Маркази нави Мегафон
Душанбе, 16 март. (АМИТ «Ховар»).- 16 март дар шаҳри Душанбе «МегаФон» барои муштариёни корпоративиаш мавркази нав ифтитоҳ кард. Дар ҳоли ҳозир муассисаҳои бонуфузи кишвар, ба монанди «Газпром», «Талко», ширкатҳои ҳавопаймоии «Тоҷик Эйр» ва «Сомон Эйр», созмонҳои байналмилалӣ, бонкҳо, сафоратхонаҳои Британияи Кабир, Русия, Япония ва Олмон муштариёни корпоративии «МегаФон Тоҷикистон» мебошанд. «Мақсади мо – ба муштариён расонидани хидматгузории сатҳи баланд ва дорои технологияи муосир мебошад. Коргоҳи нав дар минтақаи муносиб, ошёнаи якум ва дар беҳтарин маркази тиҷоратии дараҷаи олӣ қарор дорад. Қобили тазаккур аст, ки он бо таҷҳизоти ҳозиразамон муҷаҳҳаз аст», — гуфт Алексей Семёнов, директори иҷроияи «МегаФон Тоҷикистон» дар расми ифтитоҳи марказии хизматрасонии муштариёни корпоративӣ. Маркази нав аз ду қисмат иборат аст: қисми машваратию фурӯш ва қисми VIP-хизматрасонӣ. Чунин тақсимот сатҳи хизматрасонии муштариёнро ба маротиб беҳтар мекунад. Дар маҷлисгоҳи муҷаҳҳаз бо техникаи намоишии ҳозиразамон ва интернет бо суръати баланд кормандон ва муштариён метавонанд вохӯриҳои васеъ, видеоҷаласа ва гуфтушунид баргузор кунанд. Ҳамчунин тарҳ ва муҳити роҳатафзои бино табъи муштариёнро хуш мегардонад. Марказ пурра бо таҷҳизоти комилан тозаи экологии дорои сертификат муҷаҳҳаз аст. Нахустин муштарии корпоративии Марказ нав Кумитаи телевизион ва радиои ҶТ мебошад. Ба ин муносибат Асадулло Раҳмонов, раиси кумита бо дипломи фахрӣ ва планшети ҳозиразамон сарфароз гардонида шуд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






