Муҳокимаи лоиҳаи барномаи СПЕКА
Душанбе, 29 март. (АМИТ «Ховар», Назир Назиров). – 27 март дар шаҳри Душанбе мулоқоти раиси Кумитаи ҳифзи муҳити зисти назди Ҳукумати ҶТ Т. Салимов бо иҷрокунандаи вазифаи котиби иҷроияи Комиссияи иқтисодии Аврупо, ҳамоҳангсози Барномаи махсуси СММ барои кишварҳои Осиёи Марказӣ (СПЕКА) А.Василев баргузор гардид. Дар ҷараёни мулоқот масъалаҳои истифодаи самарабахши захираҳои обу энергетика, татбиқи лоиҳаҳои мавҷуда ва тарҳрезии тадбирҳое, ки аз ҷониби барномаи СПЕКА роҳандозӣ мешаванд, мавриди баррасӣ қарор гирифтанд.