Муаррифии китоби нав
Душанбе, 20 март. (АМИТ «Ховар»).- 19 марти соли 2012 дар маҷлисгоҳи Академияи илмҳои Ҷумҳурии Тоҷикистон муаррифии китоби нави профессор Аскаралӣ Раҷабов ва раиси Кумитаи фарҳанги Маҷлиси намояндагони Маҷлиси Олӣ Муҳаммадраҳим Каримзода, «Навруз как явление мировой культуры» баргузор гардид. Дар чорабинӣ сафири Фаронса ҷаноби Анри Зиппер де Фабиани, намояндаи Покистон ва Туркия, ҳамчунин олимону намояндагони илму фарҳанги кишвар ширкат варзиданд. Сухани ифтитоҳиро профессор Акбар Турсун оғоз карда, зикр намуд, ки Наврӯз дар ҳақикат иди байналмилалӣ буда, ба ягон дини алоҳида ва ё миллате мансубият надорад. Китоби мазкур, ки дар арафаи Наврӯзи Аҷам аз чоп баромадааст, барои қазовати хонандагони зирак пешкаш мегардад.Котиби масъули Комиссияи миллӣ Шаҳло Абдураҳимова ҳозиринро аз номи роҳбарияти Вазорати корҳои хориҷӣ ва Комиссияи миллӣ оид ба корҳои ЮНЕСКО бо Наврӯзи Аҷам табрик намуд. Абдурахимова арзиши байналмилалӣ доштани Наврӯзро қайд намуда, чопи китоби мазкурро саривақтӣ эълом дошт. Баъдан қайд гардид, ки дар айни ҳол барои олимони ватанӣ ва хориҷӣ ҷиҳати муаррифии илмии урфу одатҳо, маросиму анъанаҳои Наврӯзӣ, ки тӯли солҳо аз насл ба насл то ба имрӯз расидаанд, шароити хуб фароҳам оварда шудааст. Ҳамзамон аз фурсат истифода бурда, ӯ даъват ба амал овард, то дар ҳамбастагӣ бо Академияи илмҳо ва сохторҳои марбутаи кишвар ҷиҳати муаррифии Ҷумҳурии Тоҷикистон дар арсаи байналмилалӣ ҳарчи зиёдтар объектҳои фарҳангии моддӣ ва ғайримодии Тоҷикистон ба рӯйхати ЮНЕСКО пешниҳод гарданд. Дар фарҷом ба иштирокчиён китоби мазкур тақдим гардид.








Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






