Мулоқоти Ҳ.Зарифӣ бо А.Солеҳӣ
Душанбе, 9 март. (АМИТ «Ховар», Пайрав Назаров). – 8 март вазири корҳои хориҷии ҶТ Ҳамрохон Зарифӣ бо вазири корҳои хориҷии Ҷумҳурии Исломии Эрон Алиакбар Солеҳӣ, ки бо боздиди расмӣ дар шаҳри Душанбе мебошад, мулоқот намуд. Дар ҷараёни мулоқот масъалаҳои муносибатҳои дуҷониба, аз ҷумла ҳамкорӣ дар бахши тиҷорат, иқтисодиёт, энергетика, маориф, нақлиёт ва коммуникатсия мавриди баррасӣ қарор гирифтанд.Ҷонибҳо аҳамияти ҳамкории мутақобилан муфиди ду кишвар дар соҳаи энергетика ва нақлиёт, аз ҷумла дар бахши татбиқи НБО «Сангтӯда — 2», сохтмони нақби автомобилгарди «Истиқлол», лоиҳаи пайвастани роҳҳои оҳани Эрон, Афғонистон, Тоҷикистон, Қирғизистон ва Чинро таъкид сохтанд.Ҳ.Зарифӣ зарурати афзун намудани ҳаҷми муомилоти моли байни ҳар ду давлат, ҷалби сармояи Эрон ба соҳибкории хурду миёна, рушди ҳамкории техникӣ дар соҳаи кишоварзию саноат ва сиёсати молиявиро зикр намуд. Вазири ВКХ Тоҷикистон ҳамчунин иброз дошт, ки дар чаҳорчӯбаи ҳамкорӣ дар бахши маориф ҷудо кардани квотаҳои таълимӣ барои донишҷӯёни тоҷик дар бахши илмҳои дақиқ, хусусан, дар соҳаи муҳандисӣ, тиб, геология ва ғайра мутобиқ ба эҳтиёҷоти Тоҷикистон аст. Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






