Мулоқоти Э.Раҳмон бо А.Зуев

Март 2, 2012 17:21

Душанбе, 2 март. (АМИТ «Ховар», Дилшодаи Хайрулло). – Имрӯз Президенти Ҷумҳурии Тоҷикистон Эмомалӣ Раҳмон ҳамоҳангсози доимии Созмони Милали Муттаҳид, намояндаи доимии Барномаи рушди СММ дар Тоҷикистон Александр Зуевро ба ҳузур пазируфт.Зимни мулоқот масъалаҳои ҳамкории бистсолаи Тоҷикистон ва СММ, ҳамчунин дурнамои рушди ҳамкории самарабахш мавриди муҳокима қарор гирифтанд.А.Зуев аз рӯи натиҷаи мулоқот зикр намуд, ки зимни сӯҳбат Сарвари ҶТ Э.Раҳмонро бо 20 – солагии узвияти Тоҷикистон дар СММ муборакбод намуда, ба ӯ аз натиҷаи ҳамкории бисёрсоҳаи ҶТ бо СММ муфассал нақл кард.А.Зуев ҳамчунин иброз дошт, ки соли гузашта ҳамкории Тоҷикистон ва СММ басо муваффақиятнок буд, «мо бори нахуст ҳаҷми барномаҳои СММ дар Тоҷикистонро, ки 70 миллион доллари амрикоиро ташкил менамояд, афзун намудем».А.Зуев ҳамчунин хабар дод, ки дар мулоқот масъалаи омодагӣ ба офатҳои эҳтимолии табиӣ дар мавсими обхезӣ, ки метавонанд бинобар боришоти фаровони барф дар соли ҷорӣ рух диҳанд, муҳокима шуд.Мувофиқи суханони А.Зуев, «алҳол ҳамкории Тоҷикистон ва СММ асосан дар дастгирии рушди босуръати иқтисодиёти Тоҷикистон, афзун намудани нерӯи мақомоти ҳокимият дар ҳамаи сатҳҳо зуҳур меёбад». Қобили зикр аст, ки алҳол дар минтақаҳои мухталифи тоҷикистон 22 муассисаи СММ фаъолият дошта, дар онҳо беш аз 700 кас кор мекунад. Имрӯз бо дастгирии ниҳодҳои СММ лоиҳаҳои сершумор дар бахшҳои кишоварзӣ, рушди деҳот, саноати косибӣ, обёрӣ, энергетикаи хурд ва ғайра дар амал татбиқ карда мешаванд.

Март 2, 2012 17:21

Хабарҳои дигари ин бахш

Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
ҶАМЪБАСТИ НИШАСТҲОИ МАТБУОТӢ. 8 август дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
Имрӯз дар вазоратҳои корҳои дохилӣ, адлия, Суди Олӣ, Хадамоти гумрук ва Палатаи ҳисоб нишасти матбуотӣ баргузор мегардад
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
7 август дар вазоратҳои корҳои дохилӣ, адлия, Суди Олӣ, Хадамоти гумрук ва Палатаи ҳисоб нишасти матбуотӣ баргузор мегардад
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст