Мулоқоти Эмомалӣ Раҳмон бо Ҷеймс Маттис
Душанбе, 31 март. (АМИТ «Ховар»). – Имрӯз Президенти кишвар Эмомалӣ Раҳмон Фармондеҳи Фармондеҳии марказии Иёлоти Муттаҳидаи Амрико Ҷеймс Маттисро ба ҳузур пазируфт. Дар мулоқот масоили вобаста ба ҳамкории гуногунҷанбаи Тоҷикистону Амрико баррасӣ шуд. Бо изҳори қаноатмандӣ аз ҳамгироии судбахши сохторҳои низомию амниятии ду кишвар дар муборизаи байналмилалӣ бар зидди терроризму ифротгароӣ ҳамзамон роҳҳои таҳким ва густариши ҳамкории минбаъда муҳокима гардид. «Тоҷикистон ҳамоно хоҳони тавсиаи бештари ҳамёрӣ бо Амрико дар бахшҳои мухталифи амниятӣ ва таҳкими сулҳу субот дар минтақа мебошад», — изҳор намуд зимни суҳбат Сарвари давлат Эмомалӣ Раҳмон. Ҷеймс Маттис ба нақши Тоҷикистон дар мусоидат ба нерӯҳои байналмилалии посдори сулҳ дар Афғонистон ва ҳам дар бозсозии иқтисодиёти ин кишвар баҳои баланд дода, ба Сарвари давлат Эмомалӣ Раҳмон ва мардуми кишвари мо арзи сипосу қадрдонӣ кард. Таъкид гардид, ки бо назардошти нақши буферии Тоҷикистон дар пешгирӣ аз паҳншавии хатарҳои терроризму ифротгароӣ ва гардиши ғайриқонунии маводи мухаддир Амрико минбаъд низ кумакҳои худро ба нерӯҳои марзбонӣ ва дигар сохторҳои низомию амниятии дахлдори кишвари мо дареғ намедорад, пеш аз ҳама барои тақвият додани заминаи моддию техникии онҳо. Аҳамияти густариши чунин ҳамкорӣ, хусусан аз соли 2014, ё худ пас аз хуруҷи нерӯҳои посдори сулҳ аз Афғонистон калон арзёбӣ гардид. Гуфтугӯи судманд, ҳамчунин доир ба авзои иҷтимоӣ-сиёсии Афғонистон ва кишварҳои ҳамсояи он роҳҳои густариши ҳамкорӣ дар Осиёи Марказӣ ва Ҷанубӣ ва доир ба дигар мавзӯъҳои мавриди таваҷҷуҳ сурат гирифт.Дар ин бора ба АМИТ «Ховар» аз Хадамоти матбуоти Сарвари давлат иттилоъ доданд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






