Мулоқоти Шариф Саид бо Ҳоҷӣ Абдулҳасин Фаҳим

Душанбе, 28 март. (АМИТ «Ховар», Покиза Маҳмадбекова). – Имрӯз, 28 март, дар шаҳри Душанбе раисони палатаҳои савдо ва саноати Тоҷикистону Афғонистон Шариф Саид ва Ҳоҷӣ Абдулҳасин Фаҳим мулоқот намуданд.Шариф Саид дар ҷараёни мулоқот зикр намуд, ки гуфтушунидҳо ҳангоми сафараш ба Афғонистон ибтидои ҳамкории байни ду палатаро гузоштанд. Баъди ин сафар дар шаҳри Душанбе ду намоишгоҳи Ҷумҳурии исломии Афғонистон доир гардид. Намоишгоҳи ҳозира дар доираи Конфронси байналмилалии ҳамкории иқтисодии минтақавӣ доир ба Афғонистон ташкил ёфта ва идомаи ҳамон иқдомот мебошад.Шариф Саид ҳамчунин зикр намуд, ки ташкили намоишгоҳҳои муштарак ва ҷамъомадҳои тоҷирон ба рушди муносибатҳои иқтисодии ҳар ду кишвар ва тамоми минтақа мусоидат мекунанд. Ҳоҷӣ Абдулҳасин Фаҳим дар навбати худ зикр намуд, ки палатаҳои ҳар ду кишвар дар рушди ҳамкории байни мамлакатҳо мақоми хоса доранд. Раиси Палатаи савдо ва саноати ҶТ ба ҳамтоёни афғонашон пешниҳод намуд, ки моҳи сентябри соли равон дар шаҳри Душанбе боз як намоишгоҳи Афғонистонро доир намуда ва дар намоишгоҳи байналмилалие, ки Палатаи савдо ва саноати ҶТ доир менамоянд, иштирок кунанд.