Мулоқоти У. Давлатзод бо намояндагони Бонки ҷаҳонӣ

Душанбе, 31 март. (АМИТ «Ховар», Покиза Махмадбекова). — Дар Вазорати рушди иқтисод ва савдои Ҷумҳурии Тоҷикистон вохӯрии муовини вазир Умед Давлатзод бо ҳайати намояндагони Бонки ҷаҳонӣ таҳти роҳбарии Саодат Бозорова сурат гирифт.  Аз Вазорати мазкур ба мухбири АМИТ «Ховар» иттилоъ доданд, ки дар рафти вохӯрӣ ҷонибҳо атрофи масъалаҳои ҷорӣ ва дурнамои ҳамкориҳои мутақобилан судманд баҳри рушди соҳаҳои гуногуни иқтисоди миллӣ ибрози назар намуданд. Ҳамчунин ҳангоми мулоқот ҷонибҳо изҳор намуданд, ки воқеан рушди соҳаи маориф аз самтҳои афзалиятнок маҳсуб мегардад ва татбиқи бештари лоиҳаҳо дар ин соҳа мувофиқи мақсад мебошад.