Мусобиқаи ҷумҳуриявӣ доир ба варзиши сабук
Душанбе, 2 март. (АМИТ «Ховар», Дилшодаи Хайруллоҳ).- Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар доираи чорабиниҳои бахшида ба 20- солагии Иҷлосияи XVI Шӯрои Олии Ҷумҳурии Тоҷикистон санаи 13- 14 марти соли ҷорӣ дар варзишгоҳи марказӣ мусобиқаи ҷумҳуриявиро доир ба варзиши сабук доир менамояд. Дар мусобиқа ҳайати дастаҳо аз вилояти Суғд, ВМКБ, Хатлон, шаҳри Душанбе, Турсунзода, Шаҳринав, Ҳисор ва минтақаи Рашт аз рӯи шаклҳои мухталифи варзиши сабук: эстафета, ядро, диск, партофтани найза ва путк, ҷаҳидан ба дарозӣ ва баландӣ, ҷаҳиши сегона иштирок менамоянд. Ғолибоне, ки дар масофаҳои алоҳида ҷойҳои 1,2,3-ро ишғол мекунанд, аз тарафи Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бо диплом қадрдонӣ мешаванд. Ҳамчунин узви дастаи мунтахаби Ҷумҳурии Тоҷикистон доир ба бокс А Воҳидов. ва мураббӣ Д. Фатҳуллоев то 15 марти соли равон дар шаҳри Алмаатои Ҷумҳурии Қазоқистон бо мақсади баланд бардоштани маҳорати касбии варзишгарон дар ҷамъомади тамринӣ ва таълимии варзишӣ фаро гирифта мешаванд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
