Мусоидат ба рушди устувор ва ҳамгироии иқтисодии минтақавӣ
Душанбе, 26 март. (АМИТ «Ховар», Покиза Маҳмадбекова). — «Ҳадаф аз ин чорабиниҳо қабл аз ҳама мусоидат ба рушди устувор ва ҳамгироии иқтисодии минтақавӣ бо мақсади баланд бардоштани сатҳи некӯаҳволии мардум мебошад. — Ҳамзамон, онҳо ба муаррифии имкониятҳои воқеии иқтисодиёти кишварҳои мо дар ин самт нигаронда шудаанд», — иброз дошт Президенти Ҷумҳурии Тоҷикистон дар Анҷумани соҳибкорон, ки дар ҳошияи Конфронси панҷуми RECCA-5 26 марти соли равон доир гардид. Сарвари давлат афзуд, ки ду намоишгоҳи дастовардҳои иқтисодии Ҷумҳурии Исломии Афғонистон, ки қаблан дар шаҳри Душанбе баргузор шуда буданд, доираи робитаҳо ва ҳамкориҳои соҳибкорону тоҷирони ҳарду кишварро ба таври назаррас васеъ гардонид. Имрӯз ширкатҳои зиёди муштараки мо дар соҳаҳои мухталифи иқтисодиёти Тоҷикистон кору фаъолият намуда, дар густариши робитаҳои судманди кишварҳоямон саҳм мегузоранд. «Бовар дорам, ки чорабиниҳои имрӯза низ ба ин раванд такони тоза бахшида, дар маҷмӯъ ба ривоҷу равнақи муносибатҳои дӯстонаи кишварҳои мо мусоидати фаъол хоҳанд кард», — гуфт Эмомалӣ Раҳмон.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






