Намоишгоҳи байналмилалӣ
Душанбе, 26 март. (АМИТ «Ховар», Дилшодаи Хайруллох).-Худи ҳамин рўз дар Кохи Ваҳдати шаҳри Душанбе Президенти Тоҷикистон Эмомалӣ Раҳмон ва сарони Афғонистону Покистон Ҳомид Карзай ва Осиф Алӣ Зардорӣ дар Анҷумани соҳибкорони кишварҳои сершумор, ки дар ҳошияи Конфронси панҷуми РЕККА баргузор гардид, иштирок ва ибрози андеша карданд. Нахуст сарони давлатҳои Тоҷикистон, Афғонистон ва Покистон аз намоишгоҳ, ки дар он бештар аз 60 ширкати истеҳсолӣ аз ТоҶикистону Афғонистон ва дигар давлатҳо молу маҳсулоти хешро ба маърази тамошо гузоштанд, боздид ба амал оварданд ва аз зарфиятҳои тавлидотии кишварҳои минтақа ошноӣ бештар пайдо карданд. Хабар дода шуд, ки дар ин намоишгоҳ 30 ширкати тавлидотии Афғонистон, 20 муассисаи истеҳсолӣ аз Точикистон ва боқимонда аз Ҷумҳурии Мардумии Чину Қирғизистон молу маҳсулоти хешро ба намоиш гузоштанд. Сипас Эмомалӣ Раҳмон, Ҳомид Карзай ва Осиф Алӣ Зардорӣ дар Бизнес-Форум, ки бо иштироки доираи васеи соҳибкорон ва намояндагони сершумори давлатҳои мададрасон ва созмонҳои минтақавию ҷаҳонӣ ҷараён гирифт, ширкат варзида, перомуни имкониятҳои ҳанўз истифоданашудаи иқтисодиву тиҷоратӣ миёни кишварҳои минтақа ибрози андеша карданд. Дар суханронии Президенти Ҷумҳурии Тоҷикистон Эмомалӣ Раҳмон самтҳои афзалиятноки муносибот ва таҳкими равобит дар бахшҳои гидроэнергетика, коркарди ниҳоии маҳсулоти саноатӣ, бештар рў овардан ба соҳибкории истеҳсолӣ, воридоти технологияи муосири тавлидотӣ махсус таъкид шуд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






