Нархи боинсофона

Душанбе, 9 март. (АМИТ «Ховар», Покиза Маҳмадбекова). – 10 март Маркази бозори озоди Тоҷикистон дар шаҳри Қӯрғонтеппа ҷаласаи навбатӣ дар мавзӯи «Нархи боиснофонаи иқтисоди бозаргонӣ» доир менамояд. Тавре дар маркази мазкур ба АМИТ «Ховар» хабар доданд, дар ҷаласа масъалаҳои татбиқи сиёсати танзими давлатии нарх, судмандӣ ва ихтилофоти он мавриди муҳокима қарор мегиранд. Ҳамчунин пайомадҳои иқтисодии инҳисори бозор ва масоили самарабахшии сиёсати зиддиинҳисорӣ баррасӣ мешаванд.Танзими давлатии нархи иқтисодӣ кадом оқибатро ба бор меорад? Ин усул барои ҳифзи манфиати табақаҳои камбизоати аҳолӣ то ҷи андоза муфид аст? Усулҳои сиёсати зиддиинҳисорӣ дар кишварҳои мухталиф то кадом дараҷа самарабахшанд ва вазъи рушди рақобат ва маҳдуд сохтани фаъолияти инҳисорӣ дар бозорҳои молии Тоҷикистон чӣ гуна аст? — чунинанд мавзӯъҳои ҷаласаи навбатии клуби бозори озод.