«Наврӯзи кӯдакон ва наврасони шаҳри Душанбе»
Душанбе, 31 март, (АМИТ «Ховар», Афшини Муқим). — Имрӯз дар Муассисаи давлатии Маркази кӯдакон ва наврасони шаҳри Душанбе бахшида ба ҷашни байналмилалии Наврӯз чорабинии идона таҳти унвони «Наврӯзи кӯдакону наврасони пойтахт» баргузор гардид. Ҳанӯз субҳи барвақт чун рамзи Нарӯзи дилафрӯз дастурхони идонаи ҳафтсину ҳафтшин ва таомҳом миллӣ густурда шудаву кӯдакону наврасон шеъру сурудхонӣ мекарданд. Баъдан бо иштироки меҳмонон ва устодону муҳассилини макотиби навоҳии шаҳри Душанбе барномаи идонаи консертӣ баргузор гашт. Сараввал директори муассисаи давлатии кӯдакон ва наврасони шаҳри Душанбе Комилҷон Холов ҳамаи кӯдакону наврасонро бо фарорасии ҷашни ҷаҳонии Наврӯз муборакбод намуда, эшонро ба эҳтиром доштан нисбати ҷашну анъанаҳои аҷдодӣ ва ба воя расидан дар рӯҳияи ватандӯстиву инсонпарастӣ ҳидоят намуд. Чорабиниро суханронии муовини раиси шаҳри Душанбе Санавбар Раҳимова, меҳмонон аз Раёсати маорифи шаҳри Душанбе ва сохторҳои марбута ҳусни тоза бахшид. Дар ҷараёни консерти идонаи наврӯзӣ мӯҳассилин аз макотиби таҳсилоти миёнаи умумии ноҳияҳои Шоҳмансур, Исмоили Сомонӣ, Фирдавсӣ ва Синои шаҳри Душанбе бо шеъру суруд ва саҳначаҳо роҷеъ ба Наврӯз хотири ҳозиринро болида намуданд. Қобили зикр аст, ки ҳамчунин имрӯз дар ин чорабинӣ тӯи хатнасури чор тан аз кӯдакон аз оилаҳои камбизоат баргузор шуд. Дар фарҷоми чорабинӣ аз ҷониби роҳбарияти Муассиса ба кӯдакону наврасон тӯҳфаҳои идонаи наврӯзӣ супорида шуд.
«ДӮСТ ОЯД, ГАРМ ДАР ОҒӮШ ГИР». Ҷавонони фаъоли Тоҷикистон бо корхонаҳои саноатӣ ва мавзеъҳои фарҳангии ноҳияи Рӯдакӣ шинос гардиданд
«ТОҶИКИСТОН-2024». Дар Намоишгоҳи байналмилалии универсалӣ 65 ширкату корхонаи ватанию хориҷӣ маҳсулоташонро муаррифӣ менамоянд
Раёсати ҳифзи муҳити зист дар минтақаи Кӯлоб соҳиби бинои замонавӣ мегардад
МАРОТИБАИ АВВАЛ. Дар Тоҷикистон намоиши асарҳои бо мех офаридаи рассоми олмонӣ баргузор мешавад
Дар семоҳаи якуми соли 2024 дар ноҳияи Фирдавсӣ 683 шаҳрванд ба сафи Ҳизби Халқии Демократии Тоҷикистон пайвастанд
Дар шаҳри Душанбе шабакаи байналмилалии беморхонаҳо «АҷиБадем» ифтитоҳ гардид
Шиносоӣ аз наздик. Муштариёни шаҳри Душанбе меҳмони оператори худ шуданд
Сафири ИМА зимни мулоқот дар водии Рашт самтҳои ҳамкории дуҷонибаю имконоти рушдро баррасӣ намуд
СОЛИ МАЪРИФАТИ ҲУҚУҚӢ. Доир ба баланд бардоштани сатҳи маърифати ҳуқуқии кормандон ҳамоиш гузаронида шуд
Имрӯз дар Тоҷикистон борони кӯтоҳмуддат меборад
Кишоварзони ноҳияи Ёвон дар 7500 гектар пунбадона кишт намуданд
Дар Донишкадаи саноат ва хизматрасонӣ доир ба инкишофи фанҳои табиатшиносӣ, дақиқ ва риёзӣ конференсия доир шуд
