Оғози мусобиқаҳои кушоди бокс дар Суғд
Душанбе, 3 март. (АМИТ «Ховар», Бекназари Абӯбакр). — Бахшида ба таҷлили 20- солагии Иҷлосияи XVI Шӯрои Олии Тоҷикистон дар толори варзишии «Ҷашнӣ»-и шаҳри Хуҷанд мусобиқаҳои кушоди вилоятӣ доир ба бокс миёни калонсолон шурӯъ гардиданд.Аз хадамоти матбуоти раиси вилояти Суғд ба АМИТ «Ховар» иттилоъ доданд, ки дар ин мусобиқот 96 нафар боксчиён аз шаҳру ноҳияҳои Хуҷанд, Қайроққум, Чкалов, Конибодом, Б. Ғафуров, Ҷ. Расулов, Мастчоҳ, Истаравшан ва Исфара ширкат меварзанд.Мақсади асосии баргузории мусобиқаҳои кушоди вилоятӣ доир ба бокс миёни калонсолон дарёфти беҳтаринҳост, ки минбаъд ба чемпионати ҷумҳуриявӣ роҳхат мегиранд.Ғолибони мусобиқаҳои кушоди вилоятӣ доир ба бокс миёни калонсолон 15 март муайян мешаванд.