Оби дарёҳо ошомиданӣ нест?
Душанбе, 9 март. (АМИТ «Ховар», Лаззат Диловарзод),- Бино ба гуфти роҳбари Маркази мониторинги муҳити зисти Муассисаи давлатии обуҳавошиносии ҷумҳурӣ Гулбаҳор Саидова, дар маркази мазкур то чӣ андоза ифлос шудани обу ҳаво аз рӯи маълумоти ҷамъшуда муайян карда мешавад. Ба иттилои манбаъ, дар давоми ҳар моҳ як маротиба аз 34 нуқтаи гуногуни 24 дарёи ҷумҳурӣ намунаи оби гирифташуда аз ташхис гузаронида шуда, дараҷаи ифлосшавии обҳои рӯизаминӣ муайян карда мешавад. Мувофиқи ташхисҳои Маркази мониторинги муҳити зист дараҷаи ифлосшавии обҳои дарёҳои Тоҷикистон ба меъёр мувофиқ аст.Бояд ёдовар шуд, ки соли 2011 дар асоси 600 намунаи оби дарёҳои ҷумҳурӣ наздик ба 8 ҳазор ташхис гузаронида шудааст. Ташхисҳо нишон доданд, ки оби дарёҳои Тоҷикистон дар асоси стандартҳои ҷаҳонӣ тозатарин обҳои дунёро ташкил медиҳанд. Дар баробари ин дар ҳар шаҳру шаҳраке, ки аҳолӣ бо оби ошомиданӣ таъмин мегардад, обанбор ва ташхисгоҳ мавҷуд аст ва дар он ҷо кормандони идораҳои санитарию эпидемиологӣ ба таври доимӣ тозагии обро назорат мекунанд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
