Омодагии шаҳриён ба истиқболи ҷашн
Душанбе, 14 март.(АМИТ «Ховар», Марзия Саидова).- Ба ифтихори таҷлили 90-солагии Душанбе аз 25 марти соли 2012 то 1 октябри соли 2014 дар пойтахт «30 моҳи ободонӣ» эълон карда шуд. Иқдоми мазкур дар ҷаласаи шаҳрдорӣ, ки таҳти раёсати раиси шаҳри Душанбе Маҳмадсаид Убайдуллоев дар «Наврӯзгоҳи пойтахт» баргузор гардид, матраҳ шуд. Шавкат Саидов, котиби матбуотии раиси шаҳр иттилоъ медиҳад, ки дар ҷаласа 2500 нафар намояндагони ҷамоатчигии пойтахт -раисони ширкатҳои соҳибмулкони манзил, шӯрои шаҳраку маҳаллаҳо ва сардорони биноҳои истиқоматӣ ҳузур доштанд. Раиси шаҳр зимни сӯҳбати ошкорои худ бо аҳли нишаст роҷеъ ба барномаҳои ободонии шаҳрдорӣ бобати омодагӣ ба таҷлили 90-солагии Душанбе ибрози назар кард. Иштирокдорони ҷаласа иброз доштанд, ки бо ширкати фаъолона дар чорабиниҳои марбут ба истиқболи ин санаи фархунда саҳми шоиста мегузоранд. М. Убайдуллоев ба масъулин дастур дод, ки барои ташкили рақобатпазирии корҳои омодагӣ миёни институтҳои шаҳрвандии пойтахт озмун гузаронида, мукофот низ муқаррар гардад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






