Осиф Алӣ Зардорӣ ба Душанбе омад

Душанбе, 24 март. (АМИТ «Ховар», Дилшодаи Хайруллоҳ).- 24 –уми март Президенти Ҷумҳурии Исломии Покистон Осиф Алӣ Зардорӣ ба пойтахти Тоҷикистон – шаҳри Душанбе омад.Бегоҳии ҳамон рӯз вохӯрии сарони ду кишвар -Эмомалӣ Раҳмон ва Осиф Алӣ Зардорӣ аввал дар шакли як ба як, сипас бо иштироки ҳайатҳои васеи намояндагони ҳарду кишвар барпо мешавад. Дар чаҳорчӯби сафари хеш дар Тоҷикистон Президенти Покистон дар маросимҳое, ки ба шарафи иди байналмилалии Наврӯз ва Конфронси панҷуми минтақавии ҳамкориҳои иқтисодӣ доир ба Афғонистон (RECCA-V) доир мегарданд, иштирок менамояд.