Парчами миллӣ дар корхонаи ватанӣ
Душанбе, 9 март. (АМИТ «Ховар», Дилшодаи Хайруллоҳ).- Бо дастгирии Вазорати энергетика ва саноати Ҷумҳурии Тоҷикистон дар арафаи таҷлили «Рӯзи модар» ҶДММ «Ёқут» дастгоҳи муосиру замонавӣ насб намуда, ба тайёр кардани парчамҳо шурӯъ намуд. Парчамҳои истеҳсолшаванда гуногунандоза буда, онҳо барои барафроштан дар бинову иншооти маъмуриву ғайримаъмурӣ, кӯчаҳои шаҳру ноҳия ва дафтарҳои корӣ дар назар дошта шудаанд. Корхонаи дӯзандагии Ҷамъияти дорои масъулияти маҳдуди «Ёқут — 2000» яке аз корхонаҳои навтарини соҳаи саноати сабук буда, бо техникаю технологияи замонавӣ муҷаҳҳаз шудааст. Таҷҳизоте, ки ворид ва васл гардидаанд, барои муҳайё намудани ҷойи корӣ барои зиёда аз 1200 нафар буда, дар айни ҳол 980 нафар зану духтари маҳаллӣ бо ҷойи кор, музди меҳнати хуб (500-700 сомонӣ) ва хӯроки яквақтаи гарм таъмин мебошанд.Соли 2011 дар корхона 479 ҷойи нави корӣ таъсис дода шудааст.Соли 2011 корхона ба миқдори 5 млн. 167 ҳазору 622 сомонӣ ё ба миқдори 2 млн. 802 ҳазору 193 сомонӣ бештар маҳсулот истеҳсол намудааст, ки суръати афзоиш нисбат ба соли 2010 218,4 % — ро ташкил менамояд. Танҳо дар давоми моҳҳои январ – феврали соли 2012 корхона ба миқдори зиёда аз 2 млн. 500 ҳазор сомонӣ маҳсулот истеҳсол намудааст. Дар айни ҳол дар корхона маҳсулоти ҷавобгӯ ба стандартҳои ҷаҳонӣ, аз қабили нимтана бо шим, камзӯл ва шими идона бо шеврон ва пагон (мардона), камзӯли зимистона (занона ва мардона), фурнитура барои либосҳои низомии сохторҳои қудратӣ, куртаи сафеди мардона ва занона, бушлати зимистона, камуфляжи тобистона, кителу шими идона, кителу шими ҳамарӯза, куртаи сафеди остиндароз (мардона ва занона), кӯлоҳ, болопӯши боронӣ, кӯлоҳҳо барои афсару аскарон ва шаҳрвандон, либосҳо барои мактаббачагон истеҳсол мешаванд.Бояд зикр намуд, ки бо дастгирии Вазорати энергетика ва саноати Ҷумҳурии Тоҷикистон корҳои омодагӣ ҷиҳати таъсис додани коргоҳи пойафзолдӯзӣ ва сумкабарорӣ, ҳамчунин коргоҳи мебел бо муҳайё намудани 150 — 200 ҷойи нави кории иловагӣ идома дорад.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






