Пешниҳоди кишоварзон ба Кодекси нави андоз

Душанбе, 30 март. (АМИТ «Ховар», Дилшодаи Хайруллоҳ).- Дар Вазорати кишоварзии Ҷумҳурии Тоҷикистон вохӯрии кормандони вазорат бо ҳайати намояндагони Кумитаи андози назди Ҳукумати Ҷумҳурии Тоҷикистон таҳти роҳбарии муовини раиси кумита П.С. Юсупов ва сардори раёсати ташкили андозбандии соҳибкорони инфиродӣ Ф.П. Давлатшоев перомуни  Кодекси нави андоз доир гардид.Дар ҷараёни он кормандону мутахассисони вазорат пешниҳодҳои худро барои ворид намудан ба Кодекси нави андоз баён намуданд. Аз тарафи иштирокчиёни семинар доир ба пешбинӣ намудани иштибоҳҳо дар соҳаи гуногуни кишоварзӣ, аз ҷумла озод намудан аз андози арзиши иловашуда ҳангоми ворид намудани тухми зироатҳои кишоварзӣ, чорвои зотӣ, парранда, моҳӣ ва занбӯри асали зотӣ, нутфа, ҷанин, тухми инкубатсионӣ, таҷҳизоти бордоркунии сунъӣ, технологияи соҳаи чорводорӣ ва паррандапарварӣ, нуриҳои менералӣ, таҷҳизоту техникаи кишоварзӣ ва қисмҳои эҳтиётӣ, инҷунин технологияи саноати коркарди маҳсулоти кишоварзӣ тавсияву пешниҳодҳои муфид баён гардид.Вазорати кишоварзӣ татбиқи барномаи давлатӣ доир ба таъмини амнияти озуқаворӣ кӯшиш ба харҷ медиҳад, ҳамчунин аз фишангҳои андоз ва имтиёзҳо фаъолона истифода мебарад, дар таҳия ва қабули Кодекси нави андоз бо назардошти манфиати кишоварзон ва таъмини бозори дохилӣ саҳмгузорӣ мекунад.