Пирӯзии навбатии Сурайё Ҷумъаева
Душанбе, 3 март. (АМИТ «Ховар», Дилшодаи Хайруллоҳ).- Ба рушду инкишофи варзиши тирандозӣ, ки навъи олимпии варзиш ба шумор меравад, роҳбарияти ҷамъияти ватандӯстони кишвар таваҷҷӯҳи пайваста ва доимӣ зоҳир мекунад. 23 – 26 — феврали соли равон мураббӣ – варзишгари Клуби ҷумҳуриявии варзиши тирандозӣ, устоди варзиши дараҷаи байналхалқӣ Сурайё Ҷумъаева ва варзишгари клуби вилоятии варзиши тирандозии вилояти Суғд Парвиз Ғафуров дар мусобиқаи кушоди Ҷоми кишварҳои аъзои Иттиҳоди Давлатҳои Мустақил, ки дар шаҳри Краснодар барпо шуд ширкат варзиданд.Аз рӯи навъбандии варзишии туфангчаи пневматикӣ байни занон Сурайё Ҷумъаева бо касби 472 хол аз рӯи ҳисоби шахсӣ мақоми аввал ва медали тиллои мусобиқаи бонуфузро соҳиб шуд. Бар асоси ҷамъбасти холҳои умумии дастаҳои ширкаткунанда аз шумори кишварҳои узви ИДМ аз рӯи ҳисоби умумидаставӣ тими варзишгарони тирандози Тоҷикистон дар ин мусобиқаи кушод ба дарёфти ҷойи сеюм шарафёб шуд. Устоди варзиши дараҷаи байналхалқӣ Сурайё Ҷумъаева моҳи феврали соли 2005 дар Чемпионати кишварҳои мусулмонӣ дар Ҷумҳурии Исломии Эрон миёни бонувон мақоми дуввумро соҳиб гардида буд. Инчунин дар мусобиқаи байналмилалии тирандозӣ барои дарёфти «Ҷоми Иттиҳод» миёни дастаҳои мунтахаби кишварҳои узви ДОСААФ – и ИДМ – Федератсияи Русия, Тоҷикистон, Қазоқистон ва Қирғизистон, ки моҳи сентябри соли гузашта дар шаҳри Хуҷанд доир шуд, варзишгар – мураббии Клуби ҷумҳуриявии варзиши тирандозӣ Сурайё Ҷумъаева маҳорати баланди варзишӣ нишон дода, дар намуди ПП – 2 мақоми сеюм ва дар намуди МП – 4 ҷойи аввалро соҳиб шуда, шарафи варзишии Тоҷикистонро боло бардошт.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






