Президентҳо Наврӯзро дар шаҳри Душанбе истиқбол мекунанд

Душанбе, 20 март. (АМИТ «Ховар», Пайрав Назаров). – 25 март президентҳои Афғонистон, Эрон ва Покистон дар шаҳри Душанбе дар маросими ҷашнгирии Рӯзи байналмилалии Наврӯз иштирок менамоянд. Дар ин бора сардори Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ Давлаталӣ Назриев ба журналистон хабар дод. Сарони давлатҳо дар ҷараёни ташрифашон ба пойтахти Тоҷикистон мувофиқи нақшаи пешбинишуда як қатор мулоқотҳои дуҷонибаю сеҷонибаро анҷом медиҳанд.Давлаталӣ Назриев ҳамчунин зикр намуд, ки меҳмонони олиқадр дар Конфронси байналмилалии Наврӯз – 2012 ва дар маросимҳои идона дар «Наврӯзгоҳ» — и пойтахт иштирок менамоянд.