Проблемаҳои ҷинояткорӣ дар байни наврасон

Душанбе, 12 март. (АМИТ «Ховар», Лутфия Эшонқулова). – Кормандони Агентии назорати маводи нашъаовари назди Президенти ҶТ якҷоя бо намояндагони шӯъбаи кор бо ҷавонон, варзиш ва туризми Ҳукумати ноҳияи Синои шаҳри Душанбе дар маҳаллаи рақами 15 – уми пойтахт вохӯрӣ барпо намуданд.Дар ҷараёни ин чорабинӣ проблемаҳои ҷинояткорӣ ва маводи нашъаоварро истифода намудани наврасон мавриди баррасӣ қарор гирифтанд. Зикр шуд, ки сабаби ин масъулият ҳис накардани волидайн ва суст будани назорат аст. Ба ҳозирон, аз ҷумла ба волидайн дар бораи сабабҳои сар задани нашъамандӣ ва роҳҳои ҷилавгирии он маълумот дода шуд. Ба фикри кормандони Агентии назорати маводи нашъаовар, чунин шакли муошират бояд ба пешгирии ҷинояткорӣ дар байни наврасон таъсири мусбат расонад.Мувофиқи хабари маркази матбуоти Агентии маводи нашъаовар, дар ин чорабинӣ кормандони хадамоти кор бо ноболиғони шӯъбаи корҳои дохилии ноҳияи Сино иштирок доштанд.