“Регар ТадАЗ” – ғолиби аввалин Ҷоми ФФТ

Душанбе, 14 март. ( АМИТ «Ховар», Аловиддин Бӯриев).- Дирӯз дар варзишгоҳи “Автомобилист”-и шаҳри Душанбе дар вохӯрии ниҳоии Ҷоми ФФТ “Регар- ТадАЗ” бо дастаи “Хайр”-и шаҳри Ваҳдат қувва озмуда, бо ҳисоби 1:0 пирӯзӣ ба даст овард ва ғолиби мусобиқа гардид. Баъди ғалаба бар “Равшан”-и Кӯлоб бо натиҷаи 2 бар 1 футболбозони дастаи ССКА “Помир” барандаи ҷоизаи сеюм шуданд. Ба ғолиб ва сохибони ҷойҳои дуюму сеюм тӯҳфаҳои молӣ ба маблағи 20 000, 15 000 ва 10 000 сомонӣ супорида шуданд.