«Регар- ТадАЗ»: тайёрӣ ба мавсими нав дар Туркия

Душанбе, 29 март. ( АМИТ «Ховар», Аловиддин Бӯриев).- Тими «Регар- ТадАЗ» -и Турсунзода омодагиро ба мавсими нави футбол дар Туркия ба анҷом мерасонад. Футболбозони ин даста се бозии таҷрибавиро бо дастаҳои гуногун доир карданд. Дар дидори дирӯза ҳарифи регариҳо дастаи «Октан»-и Перм, ки дар лигаи дуввуми Русия ширкат мекунад, бо натиҷаи 1 бар 0 ғалаба кард. Аз ин пештар дар вохӯрӣ бо клуби «Тюмен» ҳам футболбозони шаҳри Турсунзода бо ҳисоби 1 бар 3 шикаст хӯрда буданд. Дар вохӯрӣ бо дастаи «Остона -1964» бо натиҷаи 2 бар 1 пирӯзӣ насиби футболбозони «Регар- ТадАЗ» гардид. Футболбозон бозии охирини таҷрибавиро 30 март доир хоҳанд кард.