Русҳо киро Президент интихоб менамоянд?
Душанбе, 1 март.(АМИТ «Ховар», Марзия Саидова).-Намояндагони Тоҷикистон таҳти роҳбарии Шермуҳаммади Шоҳиён, раиси Комиссияи марказии интихобот ва раъйпурсӣ /КМИР/-и ҷумҳурӣ ҷиҳати назорати ҷараёни баргузории интихоботи президенти Русия 2 март ба пойтахти ин кишвар-шаҳри Маскав сафар менамоянд. Ҳайати нозирони ИДМ-ро дар интихоботи Президенти Русия ваколатдори Қазоқистон дар Комиссияи масъалаҳои иқтисодии Шӯрои иқтисодии Иттиҳод Наврӯз Айдаров роҳбарӣ менамояд. Интихоботи президентии Русия 4 марти соли 2012 баргузор гардида, дар он панҷ номзад ҷиҳати ноил гардидан ба курсии президентӣ рақобат менамоянд. Инҳо Сарвазири феълии Русия, роҳбари ҳизби «Русияи воҳид» Владимир Путин, сарвари ҳизби «Русияи адолатхоҳ» Сергей Миронов, роҳбари ҳизби коммунистони Русия Геннадий Зюганов, сарвари ҳизби либерал-демократҳои Русия Владимир Жириновский ва тоҷир Михаил Прохоров, ки ҳамчун номзади худпешбар ба қайд гирифта шудааст, мебошанд. Тибқи қонуни федеролии Русия «Дар бораи интихоботи Президенти Федератсияи Русия» дар интихоботи президентӣ шахсе иштирок карда метавонад, ки сокини муқимии Русия буда, тӯли даҳ соли охир дар ин кишвар зиста бошад ва синнаш аз 35 поён набошад. Бояд гуфт, ки дар интихоботи 4 марти соли 2012 бори нахуст дар Русия президент ба мӯҳлати шаш сол интихоб карда мешавад.16.07








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






