Сӯҳбати Т.Салимов бо Д. Ҳалверсон

Душанбе, 16 март. (АМИТ «Ховар», Назир Назиров). – Чанде пеш раиси Кумитаи ҳифзи муҳити зисти назди Ҳукумати ҶТ Талбак Салимов бо сафири Норвегия дар мамлакатҳои Осиёи Марказӣ Дарк Ҳалверсон мулоқот анҷом дод.Дар мулоқот коршиноси намояндагии WWF Норвегия Ҳормут Юнгиус, ҳамоҳангсози WWF дар Осиёи Марказӣ О. Переладова ва роҳбари Созмони ғайриҳукуматии «Гурӯҳи ҳифзи табиат» Ф.Илларионова ширкат доштанд. Мақсад аз мулоқот таҳлилу баррасӣ ва назорати натиҷаи дар Тоҷикистон татбиқ намудани лоиҳаи «Идораи мутамаркази захираҳои об ва ҳифзи табиат», ҳамчунин масъалаҳои ҳамкории дуҷонибаи кумита бо намояндагии Норвегия мебошад. Дар ҳошияи ин сафар ҳамчунин дидори аъзои намояндагии Норвегия дар Осиёи Марказӣ аз «Бешаи палангон» дар назар аст.