Садамаи нақлиётии марговар дар ноҳияи Айнӣ
Душанбе, 28 март. (АМИТ «Ховар»).- 26 марти соли 2012 соати 15-у 30 дақиқа ронандаи мошини тамғаи «КАМАЗ-53212» (рақами давлатияш АТ 62-79 01/РТ) Ҳалимов Ҳайдар Холович (соли таваллудаш 1966, сокини шаҳри Ваҳдат, маҳаллаи Эскигузар, бекор) ҳангоми ҳаракат дар шоҳроҳи Душанбе-Хуҷанд-Чаноқ, дар километри 119-уми ҳудуди деҳаи Чоре бинобар баланд намудани суръати ҳаракат аз ӯҳдаи идораи воситаи нақлиёт набаромада, ба мошини тамғаи «КАМАЗ-53213» (рақами давлатияш 62-20 02/РТ), таҳти идораи ронанда Алиев Маъруф Мухторович (соли таваллудаш 1980, сокини ноҳияи Истаравшан, деҳаи Чорбоғ, бекор) бархӯрдааст. Дар натиҷа мусофири мошини тамғаи «КАМАЗ-53213» шаҳрванд Алиёров Мафтун Мазбутович (соли таваллудаш 1979, сокини ноҳияи Истаравшан, деҳаи Чорбоғ, бекор) ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст. Ронанда М. Алиев ҷароҳати ҷисмонӣ бардошта, дар беморхонаи марказии ноҳияи Айнӣ бистарист. Дар ин бора ба АМИТ «Ховар» котиби матбуотии Вазорати корҳои дохилӣ Маҳмадулло Асадуллоев хабар дод.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






