Шаҳриён ба ниҳолшинонӣ баромаданд

Март 23, 2012 12:02

Душанбе, 23 март.(АМИТ «Ховар», Марзия Саидова).- Ҷиҳати истиқболи сазовори ҷашни ҷаҳонии Наврӯз 23 март дар шаҳри Душанбе маъракаи ниҳолшинонӣ сурат гирифт. Шавкат Саидов, котиби матуботии раиси шаҳри Душанбе ба АМИТ «Ховар» иттилоъ дод, ки ин тадбир, ки яке аз анъанаҳои неки аҷдодиамон дар рӯзҳои таҷлили ҷашни фархундапайи Наврӯз буда, тибқи қарори марбутаи раиси шаҳри Душанбе Маҳмадсаид Убайдуллоев роҳандозӣ гардидааст. Дар ин рӯз сокинони маҳаллаю шаҳракҳои пойтахт бо мақсади сарсабзу хуррам ва тозаю обод гардонидани маҳали зисти худ ба маъракаи ниҳолшинонӣ баромадаанд. Сокинони чор ноҳияи пойтахт дар маъракаи ниҳолшинонӣ фаъолона ширкат намуда, буттаю ниҳолҳои гуногуни сояафкану ороиширо,ки ба ҳусни шаҳр ва сарсабзу хуррам гардонидани он ҳусни дигар зам менамоянд, дар кӯчаю атрофи роҳравҳо ва маҳали зисти худ мешинонанд. Ҳамзамон ба ифтихори ҷашни байналмилалии Наврӯз имрӯз соати 14.00 дар Варзишгоҳи марказии пойтахт бо иштироки гӯштингирони шинохтаи ҷумҳурӣ мусобиқаи гӯштини миллӣ гузаронида мешавад, ки беҳтарин гӯштингиронро автомошинаи хориҷӣ интизор аст.

Март 23, 2012 12:02

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд