Шоҳзода дуздӣ кардааст
Душанбе, 1 март. (АМИТ «Ховар», Назрулло Асозода).- 27 феврали соли 2012 аризаи шаҳрванд Сатторзода М. (cоли таваллудаш 1989, сокини ҷамоати деҳоти Дӯстии шаҳри Ваҳдат, бекор) ворид гардид. Гуфта мешавад, ки 19.02.2012 тахминан соати 13:00 шахси номаълум пинҳонӣ вориди хонаи иҷоравиаш, воқеъ дар суроғаи кӯчаи Хуросон гардида, аз он ҷо ҷавоҳироти гуногуни тиллоиро ба маблағи умуми 9000 сомонӣ дуздида, аз ҷойи ҳодиса ғайб задааст. Ҳангоми гузаронидани чораҳои фаврию ҷустуҷӯӣ шаҳрванд Мирзозодаи Шоҳзодаи Тӯрахон (соли таваллудаш 1990, сокини ноҳияи Файзобод, ҷамоати деҳоти Файзобод) дастгир гардида, далелҳои шайъӣ гирифта шуданд.Дар ин бора ба АМИТ «Ховар» котиби матбуотии Вазорати корҳои дохилӣ Маҳмадулло Асадуллоев хабар дод.