Созишнома имзо шуд
Душанбе, 16 март. (АМИТ «Ховар», Пайрав Назаров). – Дар Вазорати корҳои хориҷӣ Созишномаи байни ҳукуматҳои Тоҷикистону Ҷопон дар бораи амнияти озуқавии фермерҳои камбизоат бо василаи табодули ёддоштҳо имзо гардид. Созишномаро вазири корҳои хориҷии ҶТ Ҳамрохон Зарифӣ ва сафири Ҷопон дар ҶТ Хироюки Имахаши имзо намуданд.Ҳамзамон ба манзури татбиқи ҳуҷҷати зикршуда созишномаи имтиёзнок дар бораи амнияти озуқавии фермерҳои камбизоати байни Ҳукумати Тоҷикистон ва Агентии оид ба ҳамкории байналмилалии Ҷопон имзо гардид. Ҳуҷҷати зикршударо аз ҷониби Тоҷикистон вазири корҳои хориҷӣ Ҳамрохон Зарифӣ ва аз ҷониби Ҷопон намояндаи доимии Агентии оид ба ҳамкории байналмилалии Ҷопон Ҷиро Иида имзо намуданд.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
