Тантанаи рӯзи модар дар Рашт

Рашт, 7 март. (АМИТ «Ховар», Мирзосафар Ризвонов).- Ҷашнгирии Рӯзи модар дар ноҳияҳои водии Рашт дар сатҳи баланд доир гардид, зеро қадру манзалати зан-модар дар кишвари соҳибистиқлоли Тоҷикистон хеле баланд аст. Ба ин хотир дар ноҳияҳои Рашту Тоҷикобод фаъолзанони ноҳия, собиқадорони меҳнат, ҷавонзанону духтарон гирд омада, сипоси хешро ба роҳбарияти давлату ҳукумат баён намуданд.Раисони ноҳияҳои мазкур дар ин тантанаи идона сухан гуфта, модарону хоҳаронро бо Рӯзи модар самимона табрик намуда, ба занони пешқадами соҳаҳои гуногуни хоҷагии халқ тӯҳфаҳои хотиравӣ ва ҳавасмандкунӣ супориданд.