Таъсири омилҳо ба андози иҷтимоӣ

Март 19, 2012 17:10

Душанбе, 19 март. (АМИТ «Ховар», Дилшодаи Хайруллоҳ).- Дар Кумитаи андози назди Ҳукумати Ҷумҳурии Тоҷикистон доир ба масъалаҳои маъмурикунонии андози иҷтимоӣ машварати корӣ баргузор гардид. Дар машврат мутахассисону намояндагони Агентии омори назди Президенти ҶТ, мақомоти иҷроияи ҳокимияти давлатии шаҳри Душанбе, мақомоти андоз ва доираи васеи андозсупорандагон иштирок ва доир ба мушкилоти ҷамъоварии андози иҷтимоӣ, аз қабили сари вақт ва дуруст пешниҳод накардани эъломияҳои андози иҷтимоӣ, кам нишон додани музди меҳнат ва шумораи кормандони кироя изҳори нигаронӣ карда, иброз доштанд, ки чунин омилҳо боиси иҷро нагардидани нақшаи андози иҷтимоӣ дар ҷумҳурӣ мегарданд. Ҳамзамон зикр шуд, ки тибқи таҳлилҳои кормандони Кумитаи андоз дар соли 2011 назар ба соли 2010 шумораи коргарони кироя ва фонди музди меҳнат дар як қатор субъектҳои хоҷагидорӣ кам шуда, ин ҳолат ба иҷрои нақшаи андози иҷтимоӣ таъсири манфӣ расонидааст. Дар баробари ин, як қатор андозсупорандагон шумораи коргаронро дар як сатҳ нигоҳ дошта ё худ ҳатто то якчанд нафар зиёд карда бошанд ҳам, фонди музди меҳнати онҳо кам гардидааст. Чунин далелҳо шаффоф будани фаъолияти андозсупорандагонро зери шубҳа мегузорад ва таҳлили ҳаматарафаи фаъолияти молиявии онҳоро тақозо менамояд. Мақсад аз гузаронидани машварат иҷрои дастуру супоришҳои Сарвари давлат доир ба афзоиши музди меҳнат, зиёд намудани шумораи ҷойҳои корӣ, инчунин ба андозсупорандагон фаҳмонидани мафҳум, моҳият ва омилҳои ба андози иҷтимоӣ таъсиррасонанда мебошад.Дар ин бора ба мухбири АМИТ «Ховар» роҳбари дафтари матбуоти Кумитаи андози назди Ҳукумати Ҷумҳурии Тоҷикистон Гавҳар Ҳомидова иттилоъ дод.

Март 19, 2012 17:10

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд