Таъсиси маркази намунавии истеҳсолоти кишоварзӣ
Душанбе, 30 март. (АМИТ «Ховар», Дилшодаи Хайруллоҳ).- Имрӯз дар Вазорати кишоварзии Ҷумҳурии Тоҷикистон вохӯрии муовини вазири кишоварзӣ Юсуф Султонноёбов бо як гурӯҳ намояндагони Вазорати кишоварзии Ҷумҳурии Мардумии Чин доир ба таъсиси Маркази намунавии таҷрибавии истеҳсоли маҳсулоти кишоварзӣ доир гардид. Муовини вазири кишоварзӣ Ю.Султонноёбов аз ҳамкориҳои дуҷониба доир ба рушди соҳаи кишоварзӣ, махсусан кӯмакҳои техникӣ, мошинолот, коркарди маҳсулоти кишоварзӣ ва омӯзиши кадрҳо изҳори қаноатмандӣ намуд. Директори Маркази ҳамкориҳои иқтисодии хориҷии вазорати кишоварзии Ҷумҳурии Мардумии Чин ҷаноби Ян И доир ба гузаронидани корҳои тадқиқотии маҳсулоти соҳаи кишоварзӣ, махсусан таъсиси корхонаи тухмитозакунӣ ва майдони намунавии таҷрибавии маҳсулоти кишоварзӣ баҳри рушди соҳаи агросаноатии ҷумҳурӣ ҳарф зад. Ҳамзамон намояндагони вазорати кишоварзии Ҷумҳурии Мардумии Чин қайд намуданд, ки дар оянда низ доир ба рушди техника ва технологияи коркарди маҳсулоти кишоварзӣ, қисмҳои эҳтиётии техникаи кишоварзӣ, инкишофи илми кишоварзӣ ва омӯзиши кадрҳо ҳамкориҳоро боз ҳам мустаҳкам менамоянд. Гурӯҳи корӣ барои интихоби ҷой барои таъсиси маркази намунавӣ ба минтақаҳои ҷумҳурӣ сафар менамояд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
