Таваҷҷӯҳи Бритониё ба меваи Тоҷикистон
Душанбе, 10 март. (АМИТ «Ховар», Дилшодаи Хайруллоҳ).-9 марти соли ҷорӣ вазири энергетика ва саноати Ҷумҳурии Тоҷикистон Гул Шералӣ бо роҳбари ширкати бритониёии «Jirehouse Capital» Стивен Ҷонс мулоқот намуд. Дар рафти мулоқот масъалаҳои бунёди корхонаҳои муштараки саноатӣ бо ҷалби сармояи ин ширкат, аз ҷумла корхонаҳои коркарди мева ва маҳсулоти ширӣ дар минтақаҳои дурдасти куҳистон баррасӣ гардиданд. Дар фарҷоми мулоқот Ёддошти тафоҳум байни вазири энергетика ва саноати Ҷумҳурии Тоҷикистон Гул Шералӣ ва роҳбари ширкати «Jirehouse Capital» Стивен Ҷонс ба имзо расонида шуд.