Тоҷикистон дар ЭКСПО – 2012
Душанбе, 13 март. (АМИТ «Ховар», Покиза Маҳмадбекова ). – Дар ҷараёни машварати корӣ дар Палатаи савдо ва саноати ҶТ масъалаҳои иштироки Ҷумҳурии Тоҷикистон дар кори Намоишгоҳи махсуси универсалии ЭКСПО – 2012, ки аз 12 май то 12 август дар шаҳри Ёсуи Куриё баргузор мегардад, мавриди муҳокима қарор гирифтанд.Тавре аз маркази матбуоти Палатаи савдо ва саноати ҷумҳурӣ ба АМИТ «Ховар» хабар доданд, вазири рушди иқтисод ва савдои ҶТ Шариф Раҳимзода Комиссари генералии нигораҳои Тоҷикистон ва Палатаи савдо ва саноати ҶТ оператори миллии он тайин шудаанд. Ҳукумат ҳайати Кумитаи тадорукотии омодагирӣ ба нигораҳои миллӣ ва таъмини иштироки Ҷумҳурии Тоҷикистон дар намоишгоҳи ЭКСПО – 2012 – ро тасдиқ намуд. Мувофиқи суханони раиси Палатаи савдо ва саноати ҶТ Шариф Саид, мавзӯи асосии ЭКСПО – 2012 «Уқёнуси зинда ва минтақаи соҳилӣ: гуногунии захоир ва истифодаи самарабахши онҳо» мебошад. Мувофиқи ҳисоботи пешакӣ, дар намоишгоҳ беш аз 100 кишвар ва 8 ташкилоти байналмилалӣ иштирок хоҳанд кард.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
