Тоҷикистон дар конфронси БРО иштирок мекунад

Душанбе, 20 март. (АМИТ «Ховар», Пайрав Назаров). – Бо ибтикори Бонки Рушди Осиё ва дар ҳамкорӣ бо Ҷумҳурии Мардумии Чин 26 – 27 март дар шаҳри Кунмини ҶМЧ конфронс дар мавзӯи «Ҳамкорӣ ва ҳамгироии минтақавӣ — таҷрибаи Осиё ва минтақаи Уқёнуси Ором» баргузор мегардад. Дар конфронс шахсони расмии кишварҳои Осиё ва минтақаи Уқёнуси Ором перомуни ҳамкории минтақавӣ дар бахши нақлиёт, энергетика ва конфронс табодули таҷриба менамоянд.Ҳайати Тоҷикистонро муовини аввали вазири рушди иқтисод ва савдо Ҳамидуллохон Фақеров сарварӣ мекунад. Ба ҳайат намояндагони Дастгоҳи иҷроияи Президенти ҶТ ва Кумитаи давлатии сармоягузорӣ ва идораи амволи давлатӣ шомиланд.«Дар конфронс мақоми ниҳодҳои иқтисодӣ, ҳамгироии минтақавии молиявӣ ва ҷалби сармояҳо мавриди муҳокима қарор гирифта ва аз рӯи натиҷаи он нақшаи амалияи муосир ҷиҳати рушду густариши ҳамкорӣ дар минтақа тарҳрезӣ мешавад», — зикр намуд намояндаи доимии Бонки Рушди Осиё дар ҶТ Ҷоҷӣ Токешӣ.