Тоҷикистон дар намоишгоҳи ITB Берлин-2012
Душанбе, 7 март. (АМИТ «Ховар», Дилшодаи Хайруллоҳ).-Имрӯз дар шаҳри Берлини Ҷумҳурии Федеративии Олмон намоишгоҳи байналмилалии ITB Берлин-2012 ба кори худ шурӯъ намуд.Бо дастгирии Ҳукумати Ҷумҳурии Тоҷикистон Кумитаи ҷавонон, варзиш ва сайёҳии Тоҷикистон дар масоҳати 40 метри мураббаъ гӯшаи «Тоҷикистон кишвари туристӣ»-ро ба маърази тамошо дар ин намоишгоҳ пешниҳод менамояд.Дар кори намоишгоҳ беш аз 12 ширкатҳои туристии Тоҷикистон, ширкати ҳавопаймоии «Сомонайр» ва меҳмонхонаи «Сирена»-и Душанбе иштирок менамоянд.Ҳамзамон барои иштирокчиёни намоишгоҳ маводи зиёди таблиғотию ташвиқотии захираҳои туристии Тоҷикистон ироа мегардад.Дар рӯзи кушоиши намошгоҳи мазкур раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Маликшо Неъматов иштирок ва баромад намуда, аз номи Ҳукумати Ҷумҳурии Тоҷикистон захираҳои туристии Тоҷикистонро муаррифӣ намуд.Дар рӯзи аввали намоишгоҳ дар назар аст, ки як қатор кормандони воломақоми намоишгоҳ, аз ҷумла Котиби Генералии Созмони умумиҷаҳонии туристӣ Толиб Рифоӣ аз гӯшаи Тоҷикистон дидан намуда, бо раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон М. Неъматов мулоқот анҷом диҳад.Ёдовар мешавем, ки Ҷумҳурии Тоҷикистон соли 4-ум аст, ки дар ин намоишгоҳ иштирок менамояд. Ҳамасола дар ин намоишгоҳ беш аз 180 кишвари ҷаҳон иштирок карда, аз ин намоишгоҳ беш аз 250.000 дӯстдорони сайру саёҳат дидан мекунанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






