Тоҷикистон ва ҶМДК бозиро мусовӣ намуданд

Душанбе, 1 март. (АМИТ «Ховар», Пайрав Назаров). – Дастаи мунтахаби миллии Тоҷикистон оид ба футбол дар доираи даври шашуми мусобиқоти интихобӣ барои дарёфти Ҷоми ҷаҳон дар минтақаи Осиё ва гурӯҳи «С» вохӯриро бо дастаи мунтахаби ҶМДК бо ҳисоби як бар як мусовӣ намуд. Ҳисоби бозиро дар дақиқаи 54 – ум бозингари дастаи мунтахаби ҶМДК Сонг Хюк кушод. Сипас футболбози тоҷик Аҳтам Ҳамроқулов дар дақиқаи 62 – юм ҳисоби бозиро баробар намуд. Хотирнишон месозем, ки ин вохӯрӣ дар варзишгоҳи «20 – солагии Истиқлолияти Тоҷикистон» дар шаҳри Хуҷанд баргузор гардид.