Варзишгарон соҳиби унвон гардиданд
Душанбе, 23 март. (АМИТ «Ховар», Дилшодаи Хайруллоҳ).- Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар арафаи Наврӯзи байналмилалӣ як гӯрӯҳ варзишгарон ва кормандони соҳаи варзишро барои хизматҳои арзандаашон бо унвонҳои фахрии варзишӣ сарфароз гардонид. Раиси Кумитаи ҷавонон, варзиш ва сайёҳӣ Маликшо Неъматов дар рӯҳияи тантанавӣ ба 6 нафар варзишгарон унвони Номзад ба устоди варзиши ҶТ, ба 44 нафар варзишгарон унвони Устоди варзиши ҶТ, ба 20 нафар варзишгарон унвони Устоди дараҷаи байналмиллалӣ, ба 5 нафар варзишгарон унвони Мураббии шоистаи варзишӣ, ба 5 нафар варзишгарон унвони Корманди шоистаи тарбияи ҷисмонӣ ва варзишии ҶТ, ба 7 нафар варзишгарон унвони Мураббии дараҷаи олӣ ва ба 2 нафар варзишгар Унвони довари дараҷаи ҷумҳуриявро супорид. М. Неъматов аз дастовардҳои варзишии даврони истиқлолият ва баракати сулҳу ваҳдат ёдовар шуда, варзишгаронро ҳушдор намуд, ки аз ҳарвақта дида тамрину машқҳои варзиширо бештар кунанд, аз толорҳои замонавии барояшон бунёдгардида хуб истифода намоянд ва дар мусобиқаҳои байналмилалӣ бо ҳунари зебои варзишиашон парчами Ҷумҳурии Тоҷикистонро боло бардоранд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
