«Зан ва Замин»-и Тоҷикистон – ғолиби ҷоизаи «Equator Prize»
Душанбе, 30 март. (АМИТ «Ховар», Бекназари Абӯбакр). — 22 марти соли 2012 дар қароргоҳи СММ дар Ню-Йорк созмони «Зан ва Замин»-и Тоҷикистон дар қатори 24 созмони дигари миллӣ аз саросари ҷаҳон барои саҳми калонаш дар рушди устувор ғолиби ҷоизаи «Equator Prize 2012» эълон гардид. Муассиси ҷоизаи «Equator Prize» Барномаи рушди СММ буда, имсол ба таъсиси ин ҷоиза даҳ сол пур мешавад. Ғолибон аз байни 812 номзад, ки аз 113 кишвари тараққикунандаи ҷаҳон намояндагӣ мекарданд, интихоб шуданд. Дар байни кишварҳои Аврупои Шарқӣ ва Осиёи Марказӣ созмони тоҷикистонии «Зан ва Замин» ягона ғолиби ҷоизаи имсолаи «Equator Prize» дониста шудааст. Дар назар аст, ки маросими ба ғолибон супоридани ҷоизаи мазкур дар ҷараёни Конфронси СММ доир ба рушди устувор (Рио-де-Жанейро, 20-22 июни 2012) баргузор гардад. Қобили зикр аст, ки мусоидат ба деҳқонону кишоварзони безамин дар мавриди тазмини ҳуқуқҳои онҳо, иҷораи замин, гуногун кардани услубҳои истеҳсоли кишоварзӣ ва ташвиқ сохтани ҳифзи танаввӯъи зистӣ аз тариқи мудирияти масъулиятноки манбаъҳои табиӣ самти фаъолияти созмони «Зан ва Замин»-ро ташкил медиҳанд. «Зан ва Замин» аз ҷониби як гурӯҳи занони фаъоли тоҷик бо мақсади бартараф намудани мушкилоти иҷтимоиву иқтисодӣ, ки дар натиҷаи ҷанги дохилӣ дар Тоҷикистон ба вуҷуд омадаанд, таъсис шудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






