Зимистони дарози Баҷӯ ва Хуф

Хоруғ, 7 март. (АМИТ «Ховар», Л.Додо ). – Зимистони имсола дар баробари дигар манотиқи ВМКБ барои бархе аз деҳаҳои дурдасти ноҳияи Рӯшон мушкилоти зиёдеро ба бор овард. Бар асари боришоти зиёд ҳаракати нақлиёт сӯи деҳаҳои баландкӯҳи ноҳия муваққатан қатъ гардид. Дар водиҳои Баҷӯ ва Хуф он қадар барф борид, ки баландиаш якуним метро ташкил медиҳад.Аз ин лиҳоз ҳоло ба сокинони ин мавзеъҳо лозим меояд, ки барои пешбурди рӯзгорашон 12 километр роҳро пиёда ё савора тай карда, ба маркази ҷамоати деҳот раванд.Тавре аз мақомоти маҳаллии ҳокимияти давлатии ноҳияи Рӯшон хабар доданд, барои ҳалли мушкилоти деҳотиён чораҳои зарурӣ андешида шудаанд.