Ғолибони мусобиқаи баскетбол ва самбо киҳоянд?
Душанбе, 11 апрел. (АМИТ «Ховар», Бекназари Абӯбакр). — Дар шаҳри Истаравшан бозиҳои варзишии ҷавонони вилояти Суғд аз рӯи намуди баскетбол ҷамъбаст гардид. Дар чорабинӣ дастаҳо аз шаҳру ноҳияҳои Хуҷанд, Б.Ғафуров, Ашт, Истаравшан, Ҷ.Расулов, Қайроққум, Конибодом, Спитамен, Шаҳристон ва Зафаробод ширкат варзиданд.Дар натиҷа байни писарон варзишгарони дастаи шаҳри Хуҷанд ба гирифтани ҷои якум, дастаи шаҳри Истаравшан ҷои дуюм ва дастаи ноҳияи Ҷ.Расулов ба мақоми сеюм ва байни духтарон варзишгарони дастаи шаҳри Хуҷанд ба гирифтани ҷои якум, дастаи ноҳияи Ҷ.Расулов ҷои дуюм ва дастаи ноҳияи Спитамен ба мақоми сеюми мусобиқаи мазкур сазовор гардиданд.Аз хадамоти матбуоти раиси вилояти Суғд ба АМИТ «Ховар» иттилоъ доданд, ки дар толори варзишии «Ҷашнӣ»-и шаҳри Хуҷанд низ мусобиқаи варзишии ҷавонони вилояти Суғд доир ба гӯштини тарзи самбо ҷамъбаст шуд.Варзишгарони миқёси вилоят дар 9 вазн қувваозмойӣ карданд. Ҷои якум насиби дастаи шаҳри Хуҷанд шуда, ҷои дуюмро дастаи ноҳияи Спитамен ва ҷои сеюмро дастаи ноҳияи Ҷ.Расулов сазовор гардиданд.
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
