Ҳадяи телефони бесим ба маъюб

Хоруғ, 5 апрел. (АМИТ «Ховар», Л.Додо ). – Ҷамъияти саҳҳомии шакли кушодаи «Тоҷиктелеком» ба сокини шаҳри Хоруғ Шоҳалӣ Азимови маъюб дастгоҳи телефони бесимро ба таври ройгон тақдим намуд. Сардори ҷамъияти мазкур Сафар Мулкамонов изҳор дошт, ки то имрӯз 20 адад телефони бесим байни оилаҳои камбизоат тақсим шудааст.Ин тадбир бо дастури Сарвари давлат бо мақсади дастрасии пайдо кардани оилаҳои камбизоат аз алоқа амалӣ карда мешавад. Дар ояндаи наздик боз беш аз 7 ҳазор хонаводаҳои камбизоат аз чунин тӯҳфаҳои Сарвари давлат бархӯрдор мешаванд.