Ҳалли масъалаҳои муҳоҷирони меҳнатӣ дар ФР

Душанбе, 9 апрел. (АМИТ «Ховар», Лутфия Эшонқулова). – Бо ибтикори кормандони Намояндагии Хадамоти муҳоҷирати назди Ҳукумати ҶТ дар минтақаҳои мухталифи Федератсияи Русия як қатор масъалаҳои ҳамватанонамон ҳал гардиданд. Тавре аз маркази матбуоти намояндагии мазкур ба АМИТ «Ховар» хабар доданд, дар ҷараёни сафарҳои хидматӣ ба вилоятҳои Свердловск ва Челябински Русия бо муҳоҷирони меҳнатӣ вохӯриҳо баргузор гардида, як қатор аризаҳои онҳо дар мавриди поймол шудани ҳуқуқҳояшон ба назари эътибор гирифта шуданд.Корманди намояндагӣ Бахтиёр Усмонов дар ҷараёни сафараш ба вилояти Ленинград ба масъалаҳои бо кор таъмин намудани муҳоҷирони меҳнатӣ машғул шуда, дар натиҷаи ин беш аз 90 нафар мучирон бо ҷойи кор таъмин гардиданд.Корманди намояндагӣ Нусратулло Исматов якҷоя бо намояндагони ҷамъияти миллии «Мадад» бо роҳбарияти шӯъбаи Суғуртаи давлатии Русия дар мавриди фароҳам овардани шароити хидматрасонии тиббӣ барои муҳоҷирони меҳнатӣ гуфтушунид намуд. Ғайр аз ин дар яке аз совхозҳои вилояти Волгоград шартномаи бо кор таъмин намудани 160 нафар муҳоҷирони тоҷик имзо гардид.