Ҳамкорӣ бо аҳли тиҷорати Беларус

Душанбе, 30 апрел. (АМИТ «Ховар», Людмила Дубинина ). – Роҳбари Маъмурияти минтақаи озоди иқтисодии «Суғд» Анвар Ёқубов бо сафири Беларус дар Тоҷикистон Олга Гаврук мулоқот анҷом дод.Анвар Ёқубов сафири Беларусро бо фаъолияти маъмурият, самтҳои авлавиятдори фаъолияти саноатию инноватсионӣ, лоиҳаҳои фароҳам овардани шароит барои сармоягузорон ва оддӣ гардонидани раванди тиҷорат шинос кард. Олга Гаврук дар навбати худ зикр намуд, ки Беларус ва Тоҷикистон нерӯи зиёди рушди ҳамкорӣ дар самтҳои мухталиф, барқарор намудани муносибатҳои тиҷоратии байни Беларус ва минтақаҳои озоди иқтисодиро доранд. Мувофиқи суханони ӯ, дар вилояти Суғд шароити мусоиди рушди соҳаи коркарди маҳсулот мавҷуд аст. Дар ин бора аз шӯъбаи иттилоот ва таҳлили Маъмурияти минтақаи озоди иқтисодии «Суғд» хабар доданд.