Ҳамоиши илмӣ дар Китобхонаи миллӣ

Душанбе, 4 апрел. (АМИТ «Ховар», Афшини Муқим). –Имрӯз дар маҷлисгоҳи Китобхонаи миллии Тоҷикистон таҳти унвони «Китобхонаи миллӣ –маркази бузурги фарҳангӣ» ҳамоиши илмӣ баргузор гардид. Ҳамоиш дар ҳошияи суханронии Президенти Ҷумҳурии Тоҷикистон Эмомалӣ Раҳмон дар маросими ифтитоҳи бинои нави Китобхонаи миллӣ ва мулоқот бо зиёиёни кишвар доир гардида, дар он шахсиятҳои фарҳангӣ, донишмандон, роҳбарони донишгоҳу донишкадаҳои олии кишвар ва шоирону нависандагони шинохтаи тоҷик ширкат доштанд. Ҳамоишро директори Китобхонаи миллии Тоҷикистон Носирҷон Салимов ифтитоҳ бахшид. Ҳамчунин дар рафти ҳамоиш доктори илми фалсафа, профессор Акбари Турсон маърӯза намуда, ҷиҳати рушди илму фарҳанг дар кишвар маслиҳатҳои муфид дод. Аз ҷониби иштирокдорони ҳамоиш ҷиҳати ривоҷи соҳаи китобу китобдорӣ, инчунин тақвиятирушди фарҳанг дар кишвар пешниҳодҳои мушаххас ироа гардид.