Ҳавои кишвар гарму офтобӣ боқӣ мемонад
Душанбе, 17 апрел. (АМИТ «Ховар», Марзия Саидова).-То 21 апрел дар ҷумҳурӣ ҳавои гарму офтобӣ боқӣ монда , ҳарорати ҳаво 3-5 дараҷа баландтар мешавад. Дар ин хусус ба АМИТ «Ховар» Парвина Саидҷамолова, мудири шӯъбаи пешгӯии боду ҳавои Муассисаи давлатии обуҳавошиносии кишвар иттилоъ дод. Парвина Саидҷамолова афзуд, ки бо сабаби баланд гардидани ҳарорати ҳаво дар баъзе минтақаҳои Вилояти Мухтори Кӯҳистони Бадахшон ва шимоли кишвар, хусусан мавзеи Майхӯра, ки дар он ҷо зимистони соли ҷорӣ барфи зиёд борид, бо об шудани он омадани сел дар назар аст. Ҳарорати ҳаво дар ин давра дар шимоли кишвар -вилояти Суғд шабона 10-15 рӯзона 28-33 дараҷа гарм, дар вилояти Хатлон шабона 13-18, рӯзона 30-35 дараҷа гарм, дар кӯҳҳо шабона 5-10 дараҷа ва рӯзона 22-27 дараҷа гарм мешавад. Ҳавои пойтахти ҷумҳурӣ -шаҳри Душанбе ва ноҳияҳои тобеи марказ шабона 9-14 ва рӯзона 27-32 дараҷа гарм мешавад. Мутахассиси бахши ҳавошиносӣ мегӯяд: гарм омадани ҳавои моҳи апрел дар шароити иқлими Тоҷикистон ҳарорати муқаррарӣ буда, он ба мавсими кишту кор, сабзиш ва наъшунамои олами растанӣ мусоидат менамояд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
