Ҷаласаи сайёр дар Исфара
Душанбе, 16 апрел. (АМИТ «Ховар», Бекназари Абӯбакр). — Охири ҳафтаи гузашта дар шаҳри Исфара ҷаласаи сайёри ҷамъбастии сарраёсати Агентии давлатии ҳифзи иҷтимоӣ, шуғли аҳолӣ ва муҳоҷират дар вилояти Суғд аз рӯи натиҷаҳои фаъолияти семоҳаи аввали соли 2012 баргузор гардид. Аз хадамоти матбуоти раиси вилояти Суғд ба АМИТ «Ховар» иттилоъ доданд, ки иштирокчиёни машварат бо тарзи ташкил ва гузаронидани ярмаркаи ҷойҳои кории холӣ, шинос шуданд. Дар ярмарка филиали муассисаи давлатии Маркази таълимии калонсолон дар шаҳри Исфара ва ташкилоту идораҳои шаҳр ба корҷӯён ҷойҳои кории холиро пешниҳод намуданд. Барои таъмини шаҳрвандон бо ҷойҳои кории доимӣ роҳхатҳо дода шуда, ба шахсоне, ки ихтисос надоранд, барои омӯзонидани касб аз рӯи талаботи бозори меҳнат ба муассисаи таълимӣ ҷалб карда шуданд.Ҳамчунин иштирокдорон аз Ҷамъияти дорои масъулияташ маҳдуди «Баракат-Исфара», ки барои коркарди меваи хушк фаъолият мебарад ва ҳамзамон зиёда аз 110 нафар шаҳрвандро бо ҷойи кори доимӣ таъмин намудааст, боздид намуданд. Фаъолияти чунин коргоҳҳо пеш аз ҳама барои пешрафти ҷомеъа ва таъсиси ҷойҳои нави корӣ равона гардида, ҳадафаш бо кори доимӣ таъмин намудани шаҳрвандони бекор мебошад.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
