ҶСК «Тоҷиксемент» ба истифодаи ангишт мегузарад
Душанбе, 11 апрел. (АМИТ «Ховар», Дилшодаи Хайруллоҳ).- 10 апрел вазири энергетика ва саноати Ҷумҳурии Тоҷикистон Гул Шералӣ бо директори намояндагии ҶСК «ТВЕА» дар Тоҷикистон Ван Тсзян ва мутахассисони ин ширкат мулоқот намуд. Гул Шералӣ яке аз корхонаҳои муҳимтарини соҳаи сементи ҷумҳурӣ будани ҶСК «Тоҷиксемент» ва масъалаи аз гази табиӣ ба ангишт гузаронидани онро таъкид карда, дар ин самт ба роҳ мондани ҳамкориҳоро мувофиқи мақсад арзёбӣ намуд. Директори намояндагии ҶСК «ТВЕА» дар Тоҷикистон Ван Тсзян қайд кард, ки ширкат масъалаи гузаронидани ҶСК «Тоҷиксемент»-ро ба истифода аз ангишт дар заминаи таҷҳизоти корхона, воридоти хатҳои нави технологӣ мавриди омӯзиш қарор хоҳад дод. Масъалаи истифодаи ангишт дар корхонаҳои сементбарорӣ ва дигар соҳаҳо чанд сол аст, ки мавриди таваҷҷӯҳи Вазорати энергетика ва саноати Ҷумҳурии Тоҷикистон қарор дорад ва то имрӯз дар ин самт комёбиҳо ба даст омадаанд. Аз ҷумла, 6 корхонаи семент ва дар маҷмӯъ 131 корхонаи саноатӣ барои истифода аз ангишт танзим шудаанд.Дар ин бора ба мухбири АМИТ «Ховар» аз котиботи Вазорати энергетика ва саноати Ҷумҳурии Тоҷикистон иттилоъ доданд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
