Анҷумани Сафирон хайрия мегузаронад

Душанбе, 11 апрел. (АМИТ «Ховар», Фирӯза Давлатова).- 6 майи соли равон бо ташаббуси Анҷумани Сафирон дар меҳмонхонаи «Ҳаят Реҷенси» фестивали «Хайрияи байналмилалии озуқаворӣ» баргузор мегардад. Мақсади чорабинии мазкур ҷамъ овардани маблағи муайян ва кӯмак расонидан ба мардуми мӯҳтоҷ ва камбизоат мебошад.Ба фестивал намояндагони ВАО даъват шудаанд ва даъватшудагон метавонанд ҳамроҳи аъзои оилаи худ дар чорабини ширкат варзанд.Дар чорабинӣ барномаи консертии ҳунармандони тоҷик дар назар аст.Дар ин бора аз Сафорати Покистон дар шаҳри Душанбе ба АМИТ «Ховар» иттилоъ доданд.